fredag 17. juni 2011

Kjapp og enkel lappeteknikk

Eg likar godt klassiske lappetepper, sånne med massevis av kvadrat veit du. Men det er litt av ein jobb å klippe til alle dei små firkantane, og endå meir jobb å sy dei saman igjen. Heldigvis går det an å ta snarvegar. Ein av desse er såkalt strip piecing, der ein tar utgangspunkt i stoffstrimlar som er sydd saman. Eg hadde ein del restar av desse to stoffa, og klipte 8 cm breie strimlar fordi det var det som passa til størrelsen på stoffbitane eg hadde. Men strimlane kan vere smalare eller breiare. Når du legg strimlane ved sidan av kvarandre bør lengda og bredda på dei tilsaman nokonlunde tilsvare det ferdige arbeidet. Skal du bruke to stoffer slik som eg har gjort her for ein slags sjakkbretteffekt, må du ha eit likt antall strimlar (altså partall - 4, 6, 8, 10, 12 osv).
 Sy saman strimlane i langsidene, rette mot rette.
 Tilslutt får du eit slikt stripete stykke, press saumane. Nokon føretrekk å presse saumrommet frå kvarandre, andre pressar det til ei side. Eg veit ikkje kva som er best, men det viktigaste er vel at ein held seg til det eine eller det andre.
 Skjær sidekanten rein ved hjelp av linjal (skjærematte, rullekniv og linjal er ein knallbra investering!).
Skjær stykket i strimlar på tvers av stripene. Dei nye strimlane skal vere like breie som dei opprinnelege, i mitt tilfelle 8 cm.
 Så sit du igjen med eit antall strimlar av firkantar!
 Snu annankvar strimmel rundt slik at du får eit sjakkrutemønster.
Sy strimlane saman i langsidene, og vips så har du eit stykke lappeteppe! Du kan sjølvsagt vere mykje meir nøyaktig enn eg har vore her og passe på at alle hjørna møtest ordentlig, eg hadde det litt travelt og slurva.
Eg veit ikkje heilt kva eg skal bruke dette vesle stykket til, men har høyrt snakk om at ei av dokkene i huset treng teppe. Så du skal sjå det blir dokketeppe av det!

Du kan også bruke fleire fargar/mønster, The Purl Bee har ein fin tutorial på det. Her er også ein fiffig teknikk.

4 kommentarer:

  1. tusind tak for din gode ide, den gemmer jeg:)

    SvarSlett
  2. Hvor kjøper du skjærematte og rullekniv? Jeg har lurt på lenge om jeg skulle hatt meg det, men ikke sett det noen steder, og dessuten lurt veldig på kvaliteten. Den rulla må jo være temmelig skarp hvis det skal skjære helt fint?

    SvarSlett
  3. Ah, det var jo en glimrende idé! Og det kan jo selvsagt gjøres med flere stoffer også hvis man ikke vil ha det helt symmetrisk! Takk! Nå skal jeg skjære strimler! :)

    Catje

    SvarSlett
  4. Så lurt!! Den idéen skal jeg ta med meg videre - tusen takk :)

    SvarSlett