Godt nytt år!

Hjerter på ei snor, av gjenbruksstoffer og økobomull

Eg har tatt meg ein lang julepause frå blogging og nettbutikk, men no vil eg gjerne få ønske alle som er innom eit strålande nytt år! Og i same slengen må eg få takke alle lesarar, kundar og bidragsytarar for hyggelige kommentarar og gode tilbakemeldingar i året som har gått. Straks over nyttår er eg tilbake i jobb etter vel eitt år med fødselspermisjon, eg satsar på at eg likevel får tid og kapasitet til å bygge vidare på nettbutikken i året som kjem. Og eg kan jo tipse om at det nye året startar med eit aldri så lite sal på nokre utvalde varer, kikk innom igjen på mandag og sjå om det kan vere noko av interesse! 

God feiring ønskast alle saman!

Fleire julekort

Her er nokre fleire julekort som Asil har laga av papir frå butikken, visst er dei vel fine?

 

Og jammen har eg ikkje laga nokre sjølv også, men det er jammen ikkje lett å ta flatterande bilder no i vintermørket...

Trekning av papir

Lovde å trekke vinnaren i går kveld men då var eg rett og slett ikkje i form til det. Her i huset herjar omgangssjuka, så eg held dette kort og konsist - Random.org valgte nummer ein og det er Heidi med Passelig dose, gratulerer så mykje!

Endeleg kjem det økojersey og velour i butikken!

Dette har eg venta lenge på! Endeleg fekk eg stoffprøver på velour og jerseystoffer. Ikkje visste eg at det skulle vere så vanskeleg å finne ein god leverandør av økologiske trikotstoffer, men det er det altså. Så venta eg ei lita evigheit på vareprøver som tydelegvis forsvann i posten. Nye prøver blei sendt, men det er langt frå India til Vestlandet så det har også tatt si tid... Men no er dei her og dei er FINE! Det er fleire som har etterspurt dette så no er eg glad for å seie at det ser ut til å vere på gong. 

I utgangspunktet hadde eg tenkt å nøye meg med velour og nokre utvalde stripestoff, men eg fekk også med prøver på frotté og den var så fin at eg trur jammen eg må ta inn litt av den også. Og då meiner eg ikkje handklefrotté men mjuk, elastisk frotté i 100% økologisk bomull, perfekt til klede som skal vere behagelege og smidige. Velouren var også fin, tjukk og mjuk. Også den er i 100% økobomull. Så eg kjem til å ta inn begge desse, samt eit utval trykt/stripete jersey og interlock. Velouren og frottéen er omlag 150 cm brei og kjem til å ligge på 175-180 kr meteren, litt avhengig av frakt- og importutgifter. Eg håpar dei vil vere på plass om ein månad eller to, slike ting tar jo alltid mykje lengre tid enn eg trur så to månader er vel kanskje meir realistisk.

Og til de som syr mykje klede: om de er interessert i å forhåndsbestille større mengder (minimum 10 meter i blanda fargar/kvalitetar) kan eg ordne rabatt. Gi meg i så fall ein lyd på elisa(a)linogpapir.no i løpet av den neste veka, så sender eg meir info.

Julegåvetips # 5 - Erteposar

Eg har tenkt og tenkt på kva eg skulle bruke desse fine lappane med trykte tal frå STRAND Redesign til. Plutselig ein dag kom det til meg - erteposar! Hypnotiserande gode å kaste på for folk i alle aldrar, i alle fall her i huset.

 

Eg har brukt tallappar i turkis, grønt og lilla, men dei andre fargane ville nok også vore fine. Eg ser for meg tal i raudt med bakside av ulike raudmønstra stoffer, eller tal i ulike fargar med mønstra baksidestoff i fargar som står til talet slik at det blir ein regnbogeblanding. 

Eg har fylt mine med 40 gram ris i kvar pose, det var fordi det ikkje var ei einaste tørr ert eller bønne å oppdrive i huset den kvelden eg fekk ånden over meg. Ris funkar fint det også! vidare tenkte eg på skitne små fingrar og fann ut at det var tryggast å lage vaskbare poser. Dermed blei det innerpose av ubleika bomullsstoff og yttertrekk med konvoluttopning. Som eit putertrekk i miniatyr! Tallappane er 11,5 x 11, 5, så eg klipte to bitar av kvit bomull på 11,5 x 9 cm til baksida. Eg brukte bitar av eit gamalt laken, klipte dei av den eksisterande oppleggkanten slik at eg sparte meg den jobben! Sydde ein bit fast på kvar side av tallappen. Så la bretta bakdelar og framside rette mot rette, slik at dei to mindre bitane overlappa. Ein søm på kvar side og vips - ferdig! Eg innser at eg burde tatt bilder underveis og laga ein skikkelig steg-for-stegforklaring, men om de kikkar på denne linken så er framgongsmåten forklart der.

Husk forresten å bli med på utlodninga der du kan vinne materialer til julekort, trekning på søndag! 

Vinn materialer til julekort!

I år skal eg prøve å lage alle julekorta sjølv. Ikkje minst skal eg prøve å få dei avgårde i tide... Så då er det på tide å sette i gang! Sidan eg har så mykje fint julemønsterpapir på lager så loddar eg no ut ein materialpakke med seks mønsterark (30 x 30 cm, som vist på bildet under), ti konvoluttar i brun kraft (11 x 11 cm), samt 24 utstansa gåvelappar av desse mønsterarka i to ulike variantar. Alt er naturlegvis 100 % resirkulert papir, og mønsteret er trykt med soyabasert blekk som både er miljøvennleg i seg sjølv samt gjeø det lettare å resirkulere papiret igjen seinare. 

Vil du vinne dette? Det du må gjøre då er å linke til butikken eller bloggen, det kan du gjøre i din eigen blogg eller nettside, eller på facebook. Legg så igjen ein kommentar her! Eg trekker ein vinnar søndag 12. desember i kveldinga ein gong. Då blir det tid til ei utlodning til veka etter før jula er over oss for fullt.

Trekning av smekkesett!

Eg har jo aldeles glemt å trekke ein vinnar av smekkesettet eg lodda ut forrige veke! Den heldige tifeldig utvalde vart Fabelblå som nett har fått ei lita jente, håpar ho kan få god bruk for smekker og gulpeklutar i mjuk flannel. Og om du skulle ha lyst til å sy eit slikt sett sjølv så ligg det materialpakkar i butikken.Og forøvrig kjem det ei ny utlodning i bloggen i kveld, så her er det berre å følge med!

Fri frakt ut desember!

Her hos oss har det falt litt snø og julestemninga kjem snikande. Me feirar adventstida med fri frakt resten av desember! Posten har satt 16. desember som siste sendedato for sikker levering, så det er enno godt over ei veke igjen å bestille julevarer! Kanskje det kunne friste med stoffbitar med handtrykte raude reinsdyr? Eller mønsterpapir med julemotiv til årets julekort og gåvelappar? Eller kanskje du vil sy nokre fine hjerter til julepynt? Då kan du bruke raudprikkete økologisk bomull slik eg har gjort:

Julehjerter av bomull og ullfilt, fylt med ull. For øvrig tilsals i eplabutikken min.

Julegåvetips # 4 - Brevmappe

Det nærmar seg med stormskritt og for oss som har planar om mange heimelaga gåver i år er det berre å henge i. Her er siste tilskot hos meg, ei enkel mappe med kort og konvoluttar til den som "har alt" og ikkje ønsker seg noko. Ved å velje motiv på korta spesielt til den som skal få dei kan ein tilpasse gåva til mottakaren.

Eg har brukt Ellie Poo-kartong og konvoluttar som inneheld 25% bearbeidd elefantmøkk, og då måtte det jo berre bli elefantmotiv på korta! For å lage sjølve mappa brukte eg to A4-ark av kartongen, printa det eine med tittel og "vannmerke" på høgre halvdel og bretta det i to. Det andre arket bretta eg også dobbelt og så klipte eg ut "lommer" med passande kurver. Dei to lommene sydde eg fast på innsida av mappa, ei på kvar side. 

Korta er A4-ark som er printa med motiv, så delt i to og bretta dobbelt. Då blir det to doble kort av kvart ark. Det blei ikkje plass til fleire enn fem kort i denne mappa, men det er jo eit bra tal det!

Vanskelig å ta bra bilder i dårleg vinterlys! Eg valte å bruke gamle elefantmotiv fordi eg syns det passar til papiret. Slike vintagebilder kan ein finne fleire plassar på nettet, The Graphics Fairy har på tusenvis av gratis clip art bilder ein kan bruke utan å tenke på kopibeskyttelse og sånt. Elles kan ein også få kjøpt mykje fint på Etsy for ein billig penge, her er eit kjapt søk på "vintage digital images".

Julegåvetips # 3 - Smekkesett, med utlodning!

Nok ei babygåve i økologisk bomullsflanell! Eg har laga til smekkepakkar i butikken i fire ulike variantar, av ein slik pakke kan ein sy ei stor smekke eller to små siklesmekker, samt ein gulpeklut som mor eller far kan ha over skuldra, og av restane kan ein lage ein liten koseklut til baby! I pakken legg eg ved mønster til enkle smekker (både store og små og med spiss og rund variant på dei små) og syforklaring til heile pakken. Smekkene og gulpekluten er like fine på begge sider, og har eit mellomlag av kvit flanell.

Pakken er å få med rosa eller turkis kaninmønster og rosa/brunt eller turkis/grønt uglemønster. Eg har sydd opp to testmodellar, den med kaniner over der eg laga to småsmekker er allereie gitt bort til ei lita niese med eit sikleproblem... Det andre settet eg har laga er av rosa uglestoff med brunprikkete bakside, her er det ei stor smekke i tillegg til gulpeklut og koseklut. Eg kom ikkje på nokon som kunne trenge dette, her er visst mest guttebabyar i mine kretsar for tida. Så då tenkte eg likegodt eg kunne lodde den ut her! Ønskar du deg eit slikt sett til babyen din? Eller kanskje du kjenner ei lita jente som treng noko slikt til jul? Legg igjen ein kommentar her så er du med i trekninga! Og hvis du i tillegg vil linke til meg enten her eller på facebook blir eg sjølvsagt glad for det. Eg kårar vinnaren her på bloggen om kvelden søndag 5. desember. Med dette sparkar eg i gang desember i Lin & Papirbloggen som ein skikkelig konkurransemånad (ja, eg veit eg tjuvstartar litt, men kvifor ikkje?). Kvar veke fram mot jul kjem eg til å legge ut nye konkurransar og utlodningar, så her er det berre å følge med!

Smekkepakkane finn du i butikken til 120,- kr stk!

Lag dine eigne merkelappar

Eg har det travelt for tida, skal vere med på julemarknad i helga med ulldyra mine. Plutselig innsåg eg at eg var nesten tom for merkelappar, og då kom eg på at eg hadde sett ein eller annan plass på nettet korleis ein kan lage lappar sjølv. Som tenkt så gjort. Eg hadde nokre T-skjortetransferark liggande, det kan du få tak i fleire stader, både Panduro og Clas Ohlson har sånt, meiner eg. Så er det berre å lage ei fil med det som skal trykkast på merkelappane på fleire linjer nedover. Teksten på mine er ganske kort, så det var plass til fire kolonner bortover (husk at det skal vere litt å gå på på kvar side også, til saumrom mm). Eg huskar ikkje antall rekker nedover eg fekk inn, men det var mange. 

Det heile må speilvendast, så det er lurt å bruke eit bildebehandlingsprogram som Photoshop eller liknande. Det går sikkert an å speilvende bilder i andre program også, nokon som har tips? Når det er klart til printing kan det vere lurt å teste på eit vanleg ark først for å sjå at alt er ok. Hvis det er det printar du det på transferarket, la det tørke skikkelig etterpå. Klipp opp i strimlar for kvar linje, fyr opp strykejernet og legg strimlane med teksten ned på eit egna medium. Eg brukte økologisk bomullsband frå butikken, den var heilt ypperleg til dette! Stryk i vei, la det kjøle seg ned ei stund og vips, så har du lange rekker med merkelappar! Klipp opp etter behov. 

Fordelar: 

- prisgunstig, eg fekk massevis med merkelappar ut av eitt ark og 19 på ein meter band

- gir stor valfridom med tanke på utforming og fontar

- avhengig av kva du brukar til å stryke på er det kanskje eit litt grønare alternativ enn kjøpte merkelappar? Eg veit i grunnen ikkje heilt kva desse transferarka egentlig består av, er det nokon som kan opplyse?

Ulempar:
- dei blei litt stive, vil kanskje ikkje egne seg på innsida av klesplagg
- eg veit ikkje korleis trykket vil halde seg i vask, men det skal tåle 40 grader.

Uansett så er eg godt nøgd med resultatet og er klar for marknad på lørdag. Må berre stappe ull i ein heil bøling ulldyr først... For ulla eg bestilte forrige veke kom fram først i dag - det har vore nokre nerver i heilspenn i helga kan eg love. Men no er alt såre vel!

Julekortinspirasjon # 2

Jillibean Soup som lagar den nydelige julekolleksjonen med mønsterpapir Christmas Chesnut Soup har sendt oss nokre tips til både julekort og julekalender. Ta ein kikk på oppskriftene for å sjå større bilder og få inspirasjon til å lage dine eigne variantar!

 Julekalender

Julekort 1

Julekort 2

Julegåvetips # 2 - Babyteppe i flanell

 Neste julegåvetips er dette lune og gode babyteppet i friske fargar! Det er laga av økologisk bomullsflanell og det er kjapt og enkelt å sy. Og best av alt - no kan du få kjøpt materialpakkar i butikken, nok til å sy eit teppe på rundt 80 x 80 cm!

Både turkis og rosa pakke er å få kjøpt, foreløpig har eg berre sydd eit i turkis, difor er det berre bilder av dette... Pakkane kostar 190,- og i tillegg treng du noko til bakside. Då kan du bruke den kvite bomullsflanellen vår, for anledninga sett ned til 120 kroner meteren. Eg tenkte på å lage pakkar med baksida inkludert, men det kan jo tenkast at folk vil bruke andre stoffer der. Difor blei det slik. Du treng også noko til for om du vil ha det, eg har brukt bomullsvatt men du kan også bruke andre ting, f.eks. eit ekstra lag flanell.

Flanellen er laga av amerikanske Cloud 9 Fabrics, i bloggen deira kan du finne oppskrift på eit enkelt lappeteppe om du treng det! 

Dette teppet er allereie gitt bort til ein heilt ny liten nevø, håpar han får god bruk for det!

Julekortinspirasjon # 1

Snart på tide å begynne med julekort? Sjå alt det fine som Asil frå Asils Ville Verden har laga for oss, kanskje du finn noko til inspirasjon. Ho har brukt mønsterpapir frå Jillibean Soup sin julekolleksjon. Sjå også den nye julekategorien i butikken!

 Her har Asil laga ein stationary box, med gåvelappar, småkort og store kort med konvoluttar til. Fiffig? Har du lyst til å prøve deg på ein sånn finn du ein instruksjonsvideo på noko liknande her.

 Gåvelappar og småkort med snor

 Julekort i fire variantar

Papira som har vore brukt i desse prosjekta er Heavy Cream, Red Macaroni, Jibber Jabber samt kraftkonvoluttar. Meir julekortinspirasjon kjem etterkvart så følg med, følg med!

Julegåvetips # 1

Eg tenkte eg skulle legge ut julegåvetips med ujamne mellomrom no framover mot jul, det blir småting ein kan sy sjølv med forslag til materialer frå butikken. Først ut er dette søte settet med nålepute og korg, passar utmerka til syglade venner og kjente! Desse de ser på bildet er laga av mi kjære mor, ho har brukt Voliere og Raude prikkar frå butikken. Dette er økologisk bomullsstoff av nydelig kvalitet frå tyske Westfalenstoffe, dei har ein heil serie med sarte, romantiske trykk som passar godt saman.

Nåleputa er ein klassisk variant som er lett å lage, eg ser den overalt på nettet så den er veldig populær. Her finn du framgangsmåten. Den raude knappen på undersida av nåleputa er ein gamal glasknapp med intrikat relieffmønster, er den ikkje nydeleg?

Korga er også lettlaga, ein glimrande måte å få brukt opp fine restestoffer! Eg har laga denne varianten i mange ulike storleikar, den er fin som brødkorg eller til frukt også om du lagar den stor. Det kan lønne seg å bruke noko til å stive den opp med, nokon brukar strykeinnlegg eller vatt men eg har pleid å bruke eit litt stivare bomullsstoff som mellomlag og det har fungert fint.  Oppskrifta finn du her.

Loppesesongen er over...

... for i år, og også i haust kom eg over ein del godbitar. Når alt er ferdig vaska og oppmålt kjem det nye vintagestoffer i loppekassekategorien i butikken, og eg kjem også til å legge ut knappar og band der! Her er ein liten smakebit:

Visste du at papir kan lagast av elefantmøkk?

Du finn det i butikken! Det er laga av 75% resirkulert papirmasse og 25% bearbeida elefantmøkk, og det er heilt lukt- og bakteriefritt. Klikk inn for å lese meir om produksjonen av papiret! Me har også kartong og konvoluttar i denne serien som treffande nok heiter Ellie Poo. 

Eg syns papiret er heilt nydelig, det har ein fin gylden tone, synlege fiber og god kjensle. Eg trur det ville passe ypperlig til for eksempel bryllupsinvitasjonar eller god gamaldags brevkorrespondanse. Eg tenkte eg skulle sette saman ei lita brevmappe med kort og konvoluttar, og prøver no å samle fine gamle elefantillustrasjonar som eg skal printe på korta. Det kunne vere ei fin julegåve, tenkte eg. Var ikkje denne fin?

Mønsterpapir med julemotiv i butikken!

Ja, no er det blitt november og julevarene er på plass i butikkane. Også hos oss, det er jo på tide å begynne med julekortproduksjonen snart. Og kvifor ikkje velje miljøvennleg i år ved å bruke desse nydelige varene i 100% resirkulert papir trykt med soyabasert blekk? Snart kjem vi med idear og tips til kva ein kan lage med desse arka, følg med! Trykk på bilda for å komme til varen i butikken.