tysdag 22. november 2011

Sy ein glidelåspung

Har de sett at eg har fått inn nokre nye stoffer? Økobomull frå Robert Kaufman, designaren er Ann Kelle. Tre variantar ligg inne i butikken, eit grønt med bilar, eit lyseblått med fly og eit brunt med helikopter. Her er dei avbilda saman med dei einsfarga stoffa som matchar. Skjønne, ikkje sant? Egentlig skulle eg fått inn eit i petrolblått med små tog også, men det er forsinka frå leverandøren.
I dag tenkte eg at eg skulle vise ein glidelåspung som eg tenkte gi til ein av nevøane mine til jul, den skal fyllast med kjekke ting som sånne smågutar likar. Det fins drøssevis med oppskrifter på korleis sy slike pungar ute på verdsveven, feks denne på norsk, eller masse her på engelsk, mange av desse er nok mykje meir detaljerte enn min beskrivelse her. Men det som eg ofte slit med når eg skal sy sånne pungar, er hjørna øverst. Eg syns det blir klumpete og skjeivt der glidelåsen går nedi pungen, og får det liksom ikkje fint. Men så har eg jo sett rundt om kring på internettet at nokon skjøter på små stoffstykker i kvar ende av glidelåsen, så det ville eg prøve meg på.  Og i same slengen kan eg jo forklare korleis eg gjekk fram.

Her er det du treng:
2 stykker utterstoff så store som du vil ha den ferdige pungen + 1 cm saumrom på kvar side
2 stykker forstoff i same storleik
4 små stykker stoff som matchar ytterstoffet, like breie som glidelåsen og ca 4 cm lange
1 glidelås ca like lang som pungen

Eg brukte helikopterstoffet og det grøne pærestoffet, og ein knall oransje glidelås som sto fint til.



 1. Legg to småstykke i kvar ende av glidelåsen, eit oppå og eit under. Sy dei fast slik som dette, saumen skal vere om lag 3 cm innforbi kanten av hovudstykket:
 2. Klipp av endane på glidelåsen og brett og press stoffbitane ut mot endane. No ser du at glidelåsen inkludert dei påskjøtte bitane er like lang som ytterstoffet:

3. Legg det eine ytterstoffet med rettsida opp. Legg glidelåsen med retta ned oppå, og eine forstoffet med retta ned på toppen, slik som dette. Bruk glidelåsfot om du har og sy lang den øvste kanten. Du må sikkert flytte litt på glidelåshovudet undervegs for å komme ordentlig til, då er det lurt å ha nåla nede for å halde laga på plass.
 4. Når du no opnar opp ser du at glidelåsen ligg fint mellom ytterstoffet og forstoffet.
 5. Brett forstoffet bakover, press og sy ein stikning langs glidelåsen, bruk gjerne glidelåsfoten no også. Og som du kanskje ser så har eg glemt å stille opp stinglengda på symaskina, saumen blir mykje finare med lengre sting.
 6. Så skal andre sida syast fast. Same rekkefølge som i stad, ytterstoff nederst med retta opp, glidelåsen oppå med retta ned og forstoffet øverst med retta ned.
 7. Sy saumen, og sy ein stikning slik som under pkt 5.
 8. Så skal du brette over stoffa slik at foret er på eine sida av glidelåsen og ytterstoffet på andre sida. Sett gjerne fast med nokre nåler. NB: no må du opne glidelåsen sånn ca halvvegs, elles får du ikkje vrengt pungen etterpå!
 Eg syns det blir finastnår det vesle mellomrommet ved glidelåsen blir bretta nedover mot foret:
 9. Sy rundt heile kanten, men la det vere ei opning nederst på foret til å vrenge gjennom. Klipp av ein liten trekant ytterst på hjørna.
 10. Vreng pungen ut gjennom opninga. Bruk ein strikkepinne eller noko liknande for å få hjørna vrengt heilt ut. Sy igjen opninga med ein stikning tett inntil kanten. Gi pungen ein omgang med strykejernet mens foret er ute, etterpå vrenger du foret ned i pungen.

 Då er du ferdig, og det er berre å finne noko å fylle den opp med!

12 kommentarer:

  1. Kjempeflott trinn-for-trinn forklaring med bilder! Jeg er ikke flink til å sy punger og sliter nok med glidelåsene. Skal jammen kikke innom på innlegget her en gang jeg forsøker meg.

    Det er forresten Trine Bakke fra Lappemakeriet på Bærums Verk (i en bok) som først kom med ideen om sydde endestykker på glidelåsen. Det var jo så smart at mange har kopiert framgangsmåten.

    SvarSlett
  2. Nå fikk jeg virkelig lyst til å sy sånne punger! Tusen takk for flott trinn-for-trinn forklaring! Jeg har syntes det så så vanskelig ut å sy glidelås i sånne punger, så jeg har liksom ikke turt å prøve meg på det, men nå tror jeg jammen jeg skal hoppe i det. Kjempelurt med de endestykkene på glidelåsen!

    SvarSlett
  3. Bra det kan komme til nytte!
    Heidi: Det er jammen ikkje alltid lett å seie kven som kom på ideen først, eg har blant anna sett det i utanlandske bloggar. Eg trur nok at gode idéar kan oppstå hos fleire folk uavhengig av kvarandre utan at det nødvendigvis er kopiering. Jammen flaks at det fins folk som får sånne gode idéar slik at me andre kan lære!

    SvarSlett
  4. 1000 takk for at du deler med oss :-) Kjempe flott beskrivelse....som garantert bare MÅ prøves :-)
    Og sist men ikke minst : Utrolig fine stoffer du har brukt. Klem fra Merete

    SvarSlett
  5. Takk for at du deler med oss:-)

    SvarSlett
  6. Hei igjen :-)
    Da har jeg laget min første gliselåspung, takket være din supre forklaring.*smiler fornøyd*
    Jeg har også brukt de flotte stoffene jeg kjøpte av deg. Skal få lagt ut bilde av den en av de nærmeste dagene.
    1000 takk :-)

    SvarSlett
  7. Så fin ein beskrivelse. Eg har sliti med å fått det fint i endane av glidelåsen, kanskje dette er løysinga på problemet?! :)

    SvarSlett
  8. Flott beskrivelse og nydelig valg av stoff!
    Tror jammen jeg skal prøve meg på en slik pung jeg også.
    En pung kan jo brukes til ALT småtteri:)

    SvarSlett
  9. Mirakel!! -jeg kan syyyyyy :)) tusen takk for utrolig bra trinn for trinn beskrivelse. Når jeg har greid å sy noe så kan absolutt alle det. Forferdelig stolt av meg selv takket være deg <3

    Beste hilsner
    Lene

    SvarSlett
  10. Flott pung. Eg syr òg mine pungar slik. Syns det blir mykje finare i endane då.

    SvarSlett