Nytt: togstoff og eit lite veketilbud

Endeleg kom togstoffet i økobomull som eg har venta på, det er i same serien som dei andre kjøretøystoffa frå Robert Kaufman. Dei er kjempesøte saman, og passar fint saman med dei einsfarga petrolblå, pæregrønne og sjokoladebrune stoffa. Sidan toga endeleg er her gir eg like godt 20% avslag på alle dei fire kjøretøystoffa ut denne veka, altså til og med søndag 5. februar! Klikk på bilda for å komme rett til dei ulike stoffa i butikken, eller sjå alle her.

Introduksjonstilbod på nye varer

Endeleg har eg fått alt det nye ut i butikken, og feirar det med å gi 10% introtilbod på det til og med fredag 14. oktober! Det er økologiske bomullsstoff frå den store amerikanske quiltestoffprodusenten Robert Kaufman som har kome denne gongen. Kaufman har faktisk lansert fleire økokolleksjonar den siste tida, eit teikn på at fleire og fleire ønsker å sy med stoffer som ikkje er skadelege for miljøet eller for dei som arbeider i produksjonen. Og det applauderar me! 

Eg skulle ønske de kunne få sjå desse stoffa i levande live, eg har gjort mitt beste for å ta bra bilder men det er jo ikkje det same som å ta og føle på dei. Kvaliteten er heilt herlig, dei er så glatte og mjuke og faller så fint! Denne gongen skal eg i alle fall sy meg kjole av eit av dei kinesiskinspirerte stoffa her, men eg klarar ikkje heilt å velge farge:

Ta turen innom nettbutikken og sjå, kanskje finn du noko som fristar? Her er nokre fleire smakebitar:

Tilbud denne veka: sirkuselefantar

Denne veka er det ein skikkelig godbit som er på tilbud! Dette søte trykket frå Cloud 9 Fabrics med små sirkuselefantar er deilig og mjukt, ein fin lett kvalitet. Det er naturlegvis økologisk, produsert i India og passar perfekt saman med Flock, Speckle | Lime og Speckle | Sky. Ut denne veka får du 20% rabatt på det, altså 132,- mot normal pris 165,-. 

Eg brukte det i sommar når eg sydde leiketelt til ungane, saman med ubleika bomullslerret. Eg skal love dykk at eg vrei hjernen godt der eg prøvde å huske formlar frå mattepensum på ungdomsskulen, det der med trekantar og hypotenus veit du. Heldigvis har visst den matematiske forståinga mi blitt betre i dei tjue (!) åra sidan den gong, og eg fekk det til etter ei stund. Men teltet har absolutt forbetringspotensiale og eg trur eg må lage ein versjon 2 etterkvart. Kanskje eg slår til med syveiledning her også hvis det er interesse for det?

Ungane er i alle fall fornøyd, sjølv om minstemann konsekvent brukar vinduet som inngang, set seg fast fordi det er for lite, og veltar heile teltet til like stor fortviling for storesøstra kvar gong. Sukk.

 

Vekas tilbud: seljegrøn handvevd bomull

Ny veke, nytt tilbud. I ettermiddag har eg vore ute i hagen og fotografert eit stykke handvevd bomullsstoff frå India. Eg kallar det seljegrønt fordi det minnar meg om undersida på seljeblada, men det er i grunnen vanskeleg å definere kva dette egentlig er for farge. Ein dus grågrønn, som også skjærer litt i blått. Ein kunne sikkert også kalt den tåkegrå, støvet turkis, havskumblå kanskje? Den minnar meg om fargen på eit trosteegg, faktisk. Fin er den i alle fall! Kvaliteten er handvevd, så den er svakt uregelmessing i strukturen, veldig lett og fin. Eg vil så gjerne sy meg ei skjorte i dette stoffet, men det skortar på tida. Kanskje eg har den klar til neste sommar?

No kan i alle fall du få dette stoffet med 20% rabatt, altså frå 90,- til 72,- pr meter, til og med søndag.

Vekas tilbud - grå velour

Då er ferien over, og kvardagen over oss igjen, på godt og vondt. Hos oss står barnehagetilvenning for minstemann på plakaten denne veka, eg trur og håpar det skal gå bra! Guten treng vel bukser i fleng til barnehagelivet, og han skal få seg nokre par i økologisk bomullsvelour, tenkte eg. Nytt tilbud i butikken denne veka (etter eit lite opphald førre veke) er den grå velouren, mjuk og deilig 100% økologisk bomull. Denne veka får du 20% avslag på dette stoffet, til og med søndag 7. august. Tilbudsprisen er då 148,-  mot normalt 185,-!

Vekas tilbud - sval handvevd økobomull

Det er sommar for tida, og me får faktisk enkelte soldagar innimellom også. Når ein har småbarn i hus som slett ikkje likar å bli smurt inn med solkrem kan det vere greit å finne alternative måtar å beskytte dei frå strålane. Og då er den lette handvevde bomullen i nettbutikken heilt perfekt! Ypperlig til plagg som skjortar, bluser og kjolar når ein treng å halde seg fin og sval i sommarvarmen. 

Eg sydde ei skjorte til minsteguten i huset for ei tid tilbake, heilt enkel modell med splitt i halsen og to knappar til lukning. Den himmelblå bomullen står så fint til den rutete i blågrønt, og gjør seg godt på ein liten lyslugg. Storesøstra kallar denne for Emilskjorta, og det er kanskje ikkje så rart? Den har blitt brukt mykje både til kvardags og fest, og no er den snart for liten. Dei veks så fort i den alderen! No er guten halvanna år og det er på tide å sy nye skjorter til han. Eg trur nok det blir ei i kvitt, og kanskje ei i seljegrønt?

Knappane er nokre gamle eg har hatt liggande, frå eit eller anna bruktfunn. Eg har mange knappar av same type i forskjellige fargar, eg syns dei er kjempefine sjølv om dei kanskje var litt store for denne skjorta. Skal tru når dei er frå? 

Eg har altså brukt himmelblå og blågrøne ruter til denne skjorta - det rutete stoffet lagde eg skråband av og brukte det til halskant og hemper. Til og med søndag får du 20% rabatt på begge desse stoffa, altså 72,- mot vanleg pris 90,-. Og igjen, husk at det er fri frakt heile månaden i nettbutikken. Håpar alle får ei fin sommarveke no!

Vekas tilbud - Moss | Crimson

Eg skreiv om skjørteplanane mine eit par innlegg nedanfor, og no er skjørtet ferdig. Mønsteret er frå Sew Serendipity, for øvrig ei veldig fin bok, og stoffet er ein lin/viskoseblanding øverst og eit raudblomstrete økostoff nederst. Til pynt klipte eg tre cm breie remser av linstoffet og rynka dei, for så å sy dei på skjørtet. Så fornøyd var eg med resultatet at eg velger meg det raude stoffet, Moss | Crimson, til vekas tilbud denne gongen! Det er eit stoff i økologisk bomull, det er mjukt og har veldig fint fall. Til og med søndag 17. juli kan du få 20% rabatt på dette, altså frå 135,- til 108,-. Og når det dessutan er fri frakt heile juli så kan du gjøre eit lite kupp her!

Eg og Monsemann poserar

Vekas tilbud - oransje frotté

Eg prøver på noko nytt no i desse sommartider, eg kjem til å legge ut ein eller annan vare på tilbud kvar veke ei tid framover. Kanskje akkurat det du ønsker deg kjem til å dukke opp snart?

Denne veka er det oransje frotté som er på tilbud. Du får 20% rabatt på den, altså 140 kr,- meteren mot normal pris 175,-. Denne frottéen er ikkje for dei som er sjenerte for den er rimelig knall i fargen. Men kjenner eg sydamer i dette landet rett så er det mange som ikkje viker tilbake for friske fargar! Den er utruleg mjuk og god, smidig og lett, fin til barnetøy, kjoler og tunikaer. Og sjølvsagt er det 100% økologisk bomull. Tilbudet varar til og med søndag 10. juli.

Husk også at det er fri frakt i nettbutikken heile juli!

Fri frakt i juli

Kanskje er det nokon som tenker at dei skal få god tid til å sy i sommar? Og som ønsker seg eit par tilskot til stofflageret? Då kan dei handle hos meg og få fri frakt, heile månaden, ta ein tur innom og sjå om det er noko som fristar!

 Eg har i alle fall tenkt å sy masse. Først skal eg sy meg eit skjørt til, eg var så fornøyd med mønsteret i Sew Serendipity, så det blir eit til frå same mønsteret men denne gongen ein enklare variant utan rysjekantar. Eg skal bruke Moss | Crimson frå nettbutikken, og eit knallfint lin/viskosestoff som eg kom over her forleden. Eg fekk tak i ein heil rull faktisk, frå ein nedlagt gardinbutikk, kanskje det kjem i nettbutikken etterkvart - med mindre eg bestemmer meg for å beholde alt sjølv då. Det er det som er faren med å ha eigen stoffbutikk, innerst inne vil ein egentlig ha alt sjølv...

Eg trur dette kan bli ein bra kombinasjon, her heng stoffa på tørkesnora tidlegare i dag:

Westfalenstoffe - blomstrande sommar!

Denne veka skal me sjå nærmare på ein sommarsøt serie frå Westfalenstoffe - eg håpar det kan lokke fram sola og varmen for den manglar i grunnen enno her på våre kantar. Kvar dag, mandag til fredag, kjem eg til å vise fram saker og ting sydd av desse stoffa, og alle dagane kjem eg også til å komme med ein liten oppskrift. Ikkje minst er det 25% rabatt på heile denne serien til og med søndag!

Vimplar sydd av Barbro

Også skal eg gi bort litt i løpet av veka. Etter prinsippet om at det er betre med fleire små premiar enn ein stor loddar eg ut stoffpakkar til fire heldige vinnarar, ein grå, ein blå, ein raud/kvit og ein blomstrete. Legg igjen ein kommentar på dette innlegget for eitt lodd, om du blir/er følger av bloggen får du eit lodd til, og om du linkar hit med bildet under får du eit tredje lodd. Eg satsar på å trekke vinnarane neste mandag.

Eg har hatt hjelp frå to personar til å sy opp ting av desse fine stoffa, det er mor mi (som i si tid lærte meg å sy på ein gammal Husquarna) og dyktige Barbro frå Barbros lille atelier. Takk så mykje! 

I dag er tema dekorasjon. Vimplar er i vinden og har vore det lenge - sjølv blir eg visst aldri lei. Kjapt og enkelt å sy, kvifor ikkje lage fleire sett så kan du bytte dei ut etter årstid, humør eller anledning. Desse i rosa og kvitt frå Barbros lille atelier er kjempefine, ho har også laga hjerter som passar til. 

Barbro har også sydd ei nydeleg lita ugle:

Sjølv klarar eg ikkje fri meg for dyreformene, denne gongen blei dei ein liten fugl til pynt og glede. (Og forresten, er ikkje blåfargen på døra til syrommet mitt fin? Eg trur den er original frå då huset vart bygd på 1950-tale)

Har du lyst til å sy ein sånn fugl? Då kan du få oppskrift og rettleiinga her. Det er kjapt gjort og alt du treng er nokre fine stoffrestar og litt fyllmasse.

15% på metervare i butikken!

Det er deilig med mai! Høgtidsdagar og bursdagar i fleng, sol og varme, ein hage som eksploderar i grønt. Alt dette er vel verdt å feire litt? Så no har eg lagt inn 15% rabatt på all metervare i økologisk bomull (unntatt det som allereie er satt ned), bruk rabattkoden vår15 ved utsjekking så blir rabatten trekt frå totalbeløpet! Kanskje du har planar om å sy sommarkjole? Kunne vore fint i rødt, eller i blå polkadots! Nye gardiner til barnerommet,  med sirkuselefantar eller søte roser? Kanskje du skal på campingferie i sommar? Då gjeld det å ha det riktige tilbehøret, som f.eks. veske i dette stoffet! Eller kanskje du vil sy svale, behagelege skjorter i handvevd indisk bomull? No har du sjansen til å sikre deg stoffa til ein god pris! Tilbudet varar i ei veke, altså til og med torsdag 19. mai.

God mai til alle saman, her er buketten eg plukka til meg sjølv frå hagen på bursdagen min på tirsdag, er den ikkje fin?

Helgetilbud på nye stoff!

Då er dei fire eg viste i innlegget under på plass i butikken! Det er alltid spennande når nye ting kjem inn, er dei like fine i verkelegheita? Og det er desse virkelig. Veldig gode å kjenne på, mjuke og glatte, og eg syns fargane er heilt herlige. Surfing, lp-plater, sol og sommar med skikkelig 60-talsfeeling!

 Eg feirar med eit lite helgetilbud på dei, 15% rabatt om du brukar rabattkoden beachmod ved utsjekking. Tilbudet gjeld berre i dag og i morgon!

Og fleire stoffer dukkar opp snart, tenk små sirkuselefantar, fuglar og polkadots. Kanskje i løpet av neste veke?