onsdag 24. november 2010

Lag dine eigne merkelappar

Eg har det travelt for tida, skal vere med på julemarknad i helga med ulldyra mine. Plutselig innsåg eg at eg var nesten tom for merkelappar, og då kom eg på at eg hadde sett ein eller annan plass på nettet korleis ein kan lage lappar sjølv. Som tenkt så gjort. Eg hadde nokre T-skjortetransferark liggande, det kan du få tak i fleire stader, både Panduro og Clas Ohlson har sånt, meiner eg. Så er det berre å lage ei fil med det som skal trykkast på merkelappane på fleire linjer nedover. Teksten på mine er ganske kort, så det var plass til fire kolonner bortover (husk at det skal vere litt å gå på på kvar side også, til saumrom mm). Eg huskar ikkje antall rekker nedover eg fekk inn, men det var mange. 
Det heile må speilvendast, så det er lurt å bruke eit bildebehandlingsprogram som Photoshop eller liknande. Det går sikkert an å speilvende bilder i andre program også, nokon som har tips? Når det er klart til printing kan det vere lurt å teste på eit vanleg ark først for å sjå at alt er ok. Hvis det er det printar du det på transferarket, la det tørke skikkelig etterpå. Klipp opp i strimlar for kvar linje, fyr opp strykejernet og legg strimlane med teksten ned på eit egna medium. Eg brukte økologisk bomullsband frå butikken, den var heilt ypperleg til dette! Stryk i vei, la det kjøle seg ned ei stund og vips, så har du lange rekker med merkelappar! Klipp opp etter behov. 
Fordelar: 
- prisgunstig, eg fekk massevis med merkelappar ut av eitt ark og 19 på ein meter band
- gir stor valfridom med tanke på utforming og fontar
- avhengig av kva du brukar til å stryke på er det kanskje eit litt grønare alternativ enn kjøpte merkelappar? Eg veit i grunnen ikkje heilt kva desse transferarka egentlig består av, er det nokon som kan opplyse?

Ulempar:
- dei blei litt stive, vil kanskje ikkje egne seg på innsida av klesplagg
- eg veit ikkje korleis trykket vil halde seg i vask, men det skal tåle 40 grader.

Uansett så er eg godt nøgd med resultatet og er klar for marknad på lørdag. Må berre stappe ull i ein heil bøling ulldyr først... For ulla eg bestilte forrige veke kom fram først i dag - det har vore nokre nerver i heilspenn i helga kan eg love. Men no er alt såre vel!

5 kommentarer:

  1. Flott at ulla kom fram!

    Dette var en kjempeidé!
    Jeg har selv tenkt så smått på om merkelappene holder til jul. Jeg skal ha dem til hemper på håndklær, så det hadde faktisk vært ekstra passende med sånne bånd.
    Det eneste er at jeg lurer på vaskeegenskapene til transferarkene mine. Må kanskje ta en vasketest i så fall.

    SvarSlett
  2. smart:)

    Du kan speilvende tekst i word også. skriv i wordart,sett inn på word marker teksten slik at du får en ramme rundt, dra rammen helt sammen /ingen tekst vises nå, og dra rammen ut igjen, da vil teksten være speilvendt. Easy picy;)

    Smart med disse egenlagde merkebåndene:)

    SvarSlett
  3. Det ble veldig fint! Og utrolig fint bilde :) Lykke til på marked på lørdag :)

    SvarSlett
  4. Smart! Jeg har noen sånne T-skjortetransferark liggenden. Kanskje jeg skal prøve meg på dette :)

    SvarSlett
  5. Dette var en vanvittig god idé som jeg allerede har gjennomført med et veldig bra resultat. Tommel opp! Holder på å vasketeste noen av lappene, så de er i vaskemaskinen nå. Det ble veldig bra resultat å stryke teksten på silkebånd også, men vet ikke hvordan det holder i vask. Tusen takk for tipset iallefall!
    Nina

    SvarSlett