måndag 28. november 2011

Fri frakt i tre dagar til!

Ja, november går mot slutten og snart er julemånaden over oss for alvor. Det betyr at no må du skunde deg om du skal sikre deg godbitar frå nettbutikken med gratis frakt!

Eg burde ha kome med nye julegåvetips men eg har jammen ikkje hatt tid til å lage noko som helst anna enn julemus. Denne helga som var gjorde eg meg ferdig med tredje og siste julemarknad for i år, og no har eg ikkje tal på kor mange sånne små eg har laga:

No har eg bestemt meg for å roe ned i desember. Det har vore veldig hektisk i november og i år vil eg ha ei fredeleg førjulstid med ro og overskot til å gjøre alle dei familietinga som eg har lyst til å gjøre. Så no syr eg ikkje fleire julemus, trur eg... Eg har jo nokre maskebestillingar og litt sånt å kose meg med så eg blir nok ikkje altfor stillesitjande uansett tenker eg! Nokre mus har eg enno, dei er å finne i Blåbærbutikken om nokon er interessert. Og oppskrifta finn du jo i Eplas julebok, om du har lyst til å prøve å sy sjølv!

1 kommentar:

  1. Disse var bare utrolig søte :o)
    Så flink du er! Tre julemarkeder.
    Det er utrolig masse jobb.
    Håper du får en rolig og stemningsfull adventstid.

    Klem + :o)

    SvarSlett